'బ్యాక్‌ డోర్‌' చిత్రం మంచి విజయం సాధించి, దర్శకుడు బాలాజీకి మంచి పేరు తెచ్చిపెట్టాలని తెలంగాణ వైఎస్సార్‌ కాంగ్రెస్‌ పార్టీ అధినేత్రి వై.ఎస్‌.షర్మిళ ఆకాంక్షించారు. ఈ చిత్రంలోని 'యుగాల భారత స్త్రీని' అనే పల్లవితో సాగే గీతాన్ని ఆమె హైద్రాబాద్‌లోని లోటస్‌ పాండ్‌లో ఆవిష్కరించారు. ఎంతో బిజీ షెడ్యూల్‌ ఉన్నప్పటికీ మా చిత్రంలోని పాట విడుదల చేయడంతో పాటు మమ్మల్ని అభినందించిన షర్మిళగారికి ఎప్పటికీ రుణపడి ఉంటామని నిర్మాత బి.శ్రీనివాస్‌ రెడ్డి, దర్శకుడు బాలాజీ, సహ నిర్మాత ఊట శ్రీను, చిత్ర సమర్పకులు సెవెన్‌ హిల్స్‌ సతీష్‌ కుమార్‌, చిత్ర కథానాయకుడు తేజ త్రిపురాన పేర్కొన్నారు. వైస్సార్‌ సీపీ నాయకురాళ్లు ఇందిరా శోభన్‌, ఇందూజా రెడ్డి, ప్రొడక్షన్‌ డిజైనర్‌ విజయ.ఎల్‌.కోట, పబ్లిసిటీ డిజైనర్‌ విక్రమ్‌ రమేష్‌ తదితరులు ఈ కార్యక్రమంలో పాల్గొన్నారు. ప్రణవ్‌ సంగీత సారధ్యం వహించిన ఈ చిత్రంలోని ఈ గీతానికి జావళి సాహిత్యం అందించారు. ఆదిత్య మ్యూజిక్ ఈ చిత్ర ఆడియో హక్కుల్ని పొందింది. పూర్ణ ప్రధాన పాత్రలో, తేజ త్రిపురాన హీరోగా ఆర్కిడ్‌ ఫిలిమ్స్‌ పతాకంపై కర్రి బాలాజీ ఈ చిత్రానికి దర్శకత్వం వహించారు. 'సెవెన్‌ హిల్స్‌' సతీష్‌ కుమార్‌ సమర్పణలో, బి.శ్రీనివాస్‌ రెడ్డి నిర్మిస్తున్న చిత్రమిది. అతి త్వరలో ప్రేక్షకుల ముందుకు రాబోతోంది. ఈ చిత్రానికి కొరియోగ్రఫీ: రాజ్‌ కష్ణ, పాటలు: నిర్మల, చాందిని, సంగీతం: ప్రణవ్‌, బ్యాక్‌ గ్రౌండ్‌ స్కోర్‌: రవిశంకర్‌, ఆర్ట్‌: నాని, ఎడిటింగ్‌: చోటా కె.ప్రసాద్‌, కెమెరా: శ్రీకాంత్‌ నారోజ్‌, ఎగ్జిక్యూటివ్‌ ప్రొడ్యూసర్‌: రేఖ, కో-ప్రొడ్యూసర్‌: ఊట శ్రీను, సమర్పణ: 'సెవెన్‌ హిల్స్‌' సతీష్‌ కుమార్‌, నిర్మాత: బి.శ్రీనివాస్‌ రెడ్డి, రచన- దర్శకత్వం: కర్రి బాలాజీ.
