యువ కథానాయకుడు రానా ఇటీవల సౌత్‌ బే పేరుతో యూట్యూబ్‌ ఛానెల్‌ ప్రారంభించిన సంగతి తెలిసిందే. ఈ ఛానెల్‌ ద్వారా సెలబ్రిటీల ఇంటర్వ్యూస్‌తో పాటు వర్తమాన విషయాలపై తన అభిప్రాయాలు తెలియజేస్తున్నారు. అతి తక్కువ టైమ్‌లో సౌత్‌ బే వ్యూయర్స్‌ను బాగా అలరిస్తోంది. వ్యూయర్స్‌లో ఉన్న ఈ క్రేజ్‌ నేపథ్యంలో సౌత్‌ బేతో వరల్డ్‌ లీడింగ్‌ డిజిటల్‌ మ్యూజిక్ డిస్ట్రిబ్యూషన్‌ కంపెనీ బిలీవ్‌ ఎక్స్‌క్లూజివ్‌ మ్యూజిక్ డిస్ట్రిబ్యూషన్‌ అగ్రిమెంట్‌ చేసుకుంది. 1400 ఉద్యోగులతో 'బిలీవ్‌' కంపెనీ 45 దేశాల్లో సేవలను అందిస్తోంది.
ఈ సందర్భంగా రానా మాట్లాడుతూ, 'మా సౌత్‌బేకు ఎక్స్‌క్లూజివ్‌ డిస్ట్రిబ్యూషన్‌ భాగస్వామిగా ఉండేందుకు బిలీవ్‌ ఇండియా ముందుకు రావడం ఎంతో సంతోషంగా ఉంది. సౌత్‌బే ప్రారంభించినప్పటి నుంచి ఇలాంటి వరల్డ్‌ క్లాస్‌ పార్టనర్‌ కోసం ఎదురుచూశాం. బిలీవ్‌ ఇండియాతో డిస్ట్రిబ్యూషన్‌ ఒప్పందం వల్ల సౌత్‌బే మరింతగా వ్యూయర్స్‌కు రీచ్‌ అవుతుందని ఆశిస్తున్నాం. ప్రతిభ గల కొత్త కళాకారులకు అవకాశాలు ఇవ్వడం, కమర్షియల్‌ కంటెంట్‌ తయారు చేయడం వంటి వాటిపై దష్టి పెట్టబోతున్నాం' అని తెలిపారు.
బిలీవ్‌ ఇండియా డైరెక్టర్‌ కెజివి కిరణ్‌ కుమార్‌ మాట్లాడుతూ,'టాలెంట్‌ ఉన్న కొత్త కళాకారులను, మ్యూజిక్ లేబుల్స్‌ను ప్రోత్సహించడం బిలీవ్‌ ఇండియా కార్యాచరణలో కీలకమైంది. సౌత్‌బేతో ఎక్స్‌క్లూజివ్‌ డిస్ట్రిబ్యూషన్‌ ఒప్పందం చేసుకోవడం కూడా ఇందులో భాగమే. ఇలాంటి భాగస్వామ్యాలతో సంగీత ప్రపంచంలో కొత్త దారిని ఏర్పర్చగలమని నమ్ముతున్నాం' అని అన్నారు.
