ఎప్పుడో వాడేసి పాత బడిపోయిన ఎన్నో ఫ్యాషన్లు ఇప్పుడు మళ్ళీ తిరిగి వస్తున్నాయి. కండ్లు చెదరగొట్టేస్తున్నాయి. అలా వచ్చిన వాటిలో బుట్ట చేతులు ఒకటి. అందుకే 'ఓల్డ్‌ ఈజ్‌ గోల్డ్‌' అంటారు. సాధారణంగా అందరం వీటిని బుట్ట చేతులు అని పిలుచుకుంటాం. అయితే ఫ్యాషన్‌ ప్రపంచంలో మాత్రం పఫ్డ్‌ స్లీవ్స్‌ అని పిలుస్తున్నారు. ఒకప్పుడు కేవలం చిన్నపిల్లల గౌన్లకు, యువతులు ఓణీపై వేసుకునే జాకెట్లకు మాత్రమే బుట్ట చేతులు పెట్టేవారు. తర్వాత కాలంలో ఈ స్టైల్‌ పాతబడిపోయింది. అయితే ఎప్పుడో పక్కన పెట్టేసిన ఆ ఫ్యాషన్‌ ఇప్పుడు మళ్లీ వచ్చేసింది. ఇప్పుడు పిల్లల గౌన్లకీ, జాకెట్లకే కాదు పెద్దలు కూడా ఈ బుట్ట చేతుల ఫ్యాషన్‌లో మునిగితేలుతున్నారు. లాంగ్‌ ఫ్రాక్‌... టీషర్ట్స్‌.. ఫార్మల్‌ షర్ట్‌.. శారీ బ్లౌజ్‌... ఒక్కటి కాదు దేనికి బుట్ట చేతులు పెట్టినా దాని అందమే వేరు అన్నట్టుగా ఉందిప్పుడు. మరి మీరు కూడా బుట్ట చేతులు పెట్టించండి.
