చలి కాలం వచ్చేసింది. శీతాకాలంలో పెదవులు ముఖంపై చలి ప్రభావం తీవ్రంగా ఉంటుంది. దానివల్ల పొడారిపోవడం, గరుకుగా తయారుకావడం, చర్మం బిగుతుగా మారిపోవడం వంటి సమస్యలు తలెత్తుతుంటాయి. వీటిని నివారించుకోవడానికి ఇంట్లో ఉన్న పదార్ధాలనే ఉపయోగించవచ్చు. అవేంటో చూద్దాం.
ఎ బాగా మగ్గిన అరటిపండును మెత్తగా చిదిమి ముఖానికి, మెడకు పట్టించి పదిహేను నిమిషాల తరువాత గోరువెచ్చటి నీటితో కడగాలి. ఇది పొడి చర్మానికి మాయిశ్చరైజర్‌గా పని చేస్తుంది. మెడ నల్లగా ఉంటే క్రమంగా ఆ నలుపును కూడా వదిలిస్తుంది.
ఎ పొడి చర్మాన్ని మృదువుగా మార్చడంలో గ్రేప్‌ సీడ్‌ ఆయిల్‌ బాగా పని చేస్తుంది. దేనితో కలపాల్సిన అవసరం లేకుండా ఆయిల్‌ను యధాతథంగా ఒంటికి రాసి మర్దనా చేస్తే సరిపోతుంది. ఈ ఆయిల్‌ ఇప్పుడు అన్ని సూపర్‌ మార్కెట్లలో దొరుకుతుంది.
ఎ రోజూ పడుకునే ముందు ముఖానికి బాదం నూనె కానీ, ఆలీవ్‌ ఆయిల్‌ కానీ రాయాలి. ఆయిల్‌ పెట్టే ముందు మురికి లేకుండా చర్మం శుభ్రంగా ఉండాలి.
ఎ రోజూ పదినిమిషాలు గోరువెచ్చని నీటిని దోసిట్లోకి తీసుకుని ముఖాన్ని మునిగేటట్లు ఉంచాలి. ఉదయం స్నానం చేయడానికి ముందు కానీ రాత్రి పడుకునే ముందు కానీ చేయవచ్చు.
ఎ ఒక కోడిగుడ్డు సొనలో ఒక టీస్పూన్‌ కమలారసం, ఒక టీ స్పూన్‌ ఆలివ్‌ ఆయిల్‌, నాలుగయిదు చుక్కల పన్నీరు, అంతే మోతాదులో నిమ్మరసం కలిపి ముఖానికి పట్టించి పదిహేను నిమిషాల తరువాత కడిగేయాలి. పొడి చర్మానికి మంచి ఫలితాన్ని ఇస్తుంది.
