హైదరాబాద్ : ఓ పాము ఇంటి పై కప్పులో దూరి ఆపసోపాలు పడింది. ఈ ఘటన గోవాలో జరిగింది. అక్కడి కోటిగావ్ వైల్డ్‌లైఫ్ శాంక్చురీలో... ఓ కోబ్రా... ఇంటిపైకి వెళ్లి... పైకప్పులో దూరింది. అక్కడే ఇరుక్కుపోయింది. వెనక్కి వెళ్లలేక, ముందుకి వెళ్లలేక... అక్కడే ఊగిసలాడుతుంటే... సిబ్బంది చూశారు. మొదట పాము డాన్స్ చేస్తోందేమో అనుకున్నారు. తర్వాత అది డాన్స్ కాదనీ... ఇరుక్కుపోయిందనీ అర్థమైంది. వెంటనే అక్కడికి దగ్గర్లోనే ఉన్న అటవీ అధికారులకు చెప్పారు. అధికారులు ఉన్నారు గానీ... వాళ్ల దగ్గర పామును కంట్రోల్ చేసే పరికరాలు లేవు. కానీ పాము పరిస్థితి చూశాక... దాన్ని వెంటనే కాపాడాలని ఫిక్స్ అయ్యారు. నానా తంటాలు పడి ఓ అధికారి ఇంటి పైకి ఎక్కి... ఉత్తి చేతులతోనే పామును పట్టుకొని... మరో చేత్తో కర్రను పట్టుకొని... దాన్ని కంట్రోల్ చేస్తూ కాపాడారు.