విషయం ఏదైతేనేం
జరగరాని ఘోరమొకటి జరిగేపోయింది
ప్రపంచమంతా మత్యుచ్ఛాయ అలుముకుంది
ఆకాశమంతా జీవగరళమేదో కమ్ముకుంది
భయం గుప్పిట్లో లోకం
రేయింబవళ్ళు పడకగదులకే పరిమితం
కిక్కురుమనని వీథులు
జనం మూగని వాడలు
ప్రాణులు లేని ప్రాంగణాలు
నిర్జన గ్రహాన్ని తలపిస్తున్న భూమి.
ప్రకతి పరిహాసం కాదిది
ప్రకోపించే ముందు పకతి
మనిషినెంతగా ఎరుక పరుస్తుందో
తమను ప్రాణాంతకం చేయొద్దని
గాలులెంతగా మొరపెట్టుకుంటాయో
రాకాసి కెరటాలుగా ఎగసి ఎగసి
సంద్రాలెన్నిసార్లు హెచ్చరిస్తాయో
కంపించడానికి ముందు బిడ్డల్ని తలచుకొని
భూతల్లి గుండె ఎంతగా విలవిలలాడుతుందో
మత్యువు దావానలమై జనవనాల్ని దహిస్తుంది
మరణాధిదేవత స్వైరవిహారియై లోకాన్నంతా కబళిస్తోంది
అది కుంచితస్వభావి కాదు దానికి కులాల్లేవు, మతాల్లేవు
ప్రాంతాల పట్టింపులసలే లేవు
మరణం నీరై వస్తుందో, గాలై వీస్తుందో
మనిషిగా మారి ఏ ఊపిరినాపేస్తుందో
ఒక్క కరచాలనంతో ఎంతమంది ఖర్సైపోతారో
మనుషుల మీదున్న కొద్దో గొప్పో నమ్మకాలు కూడా
ఇప్పుడు అనుమానస్పదమే
నిర్లక్ష్యానికి చెల్లించుకోవాల్సింది అమూల్యప్రాణమే
నిదానించుకొని అడుగిడుతే నివారించుకొని మనగలిగితే
జనావళికి జయం కలిగి, ప్రజావాటి పరిమళిస్తుంది.
-డా. బి. బాలకష్ణ, 9948997983