న్యూఢిల్లీ : దేశీయంగా బులియన్‌ మార్కెట్‌లో బంగారం ధర భారీగా తగ్గింది. శుక్రవారం ఫ్యూచర్స్‌ మార్కెట్‌ ట్రేడింగ్‌లో ఫిబ్రవరిలో 10 గ్రాముల బంగారంపై ధర రూ.2,086 తగ్గి రూ.48,818 వద్ద ట్రేడింగ్‌ అయ్యింది. దీన్ని బట్టి భవిష్యత్‌లో బంగారం ధరలు భారీగా తగ్గే సంకేతాలు కనబడుతున్నాయి. కాగా వెండి ధర కూడా దిగివచ్చింది. 8.8 శాతం లేదా రూ.6,100 కోల్పోయి రూ.63,850గా నమోదయ్యింది. అంతర్జాతీయ మార్కెట్‌లో డాలర్‌ బలపడుతుండటంతో బులియన్‌ మార్కెట్‌పై ప్రభావం పడుతున్నదని నిపుణులు చెబుతున్నారు. కాగా దేశ రాజధాని ఢిల్లీ బులియన్‌ మార్కెట్‌లో 22 క్యారెట్ల 10 గ్రాముల బంగారం ధర రూ.49,650గా నమోదు కాగా, 24 క్యారెట్ల ధర 54,160కు పలికింది.