హైదరాబాద్ : కేంద్రం తీసుకువచ్చిన వ్యవసాయ చట్టాలపై పలు రాష్ట్రాలు కీలక నిర్ణయాలు తీసుకుంటున్నాయి. తాజాగా మ‌హారాష్ర్ట‌లో ఎట్టి ప‌రిస్థితుల్లోనూ కొత్త సాగు చ‌ట్టాల‌ను అమ‌లు చేయ‌మ‌ని ఆ రాష్ర్ట అసెంబ్లీ స్పీక‌ర్ నానా ప‌టోల్ స్ప‌ష్టం చేశారు. రైతు చ‌ట్టాల‌కు వ్య‌తిరేకంగా మ‌హారాష్ర్ట రాజ‌ధాని ముంబైలో అన్న‌దాత‌లు నిర‌స‌న చేప‌ట్టారు. ఈ నిర‌స‌న ప్ర‌ద‌ర్శ‌న‌లో అత్య‌ధికంగా నాసిక్ జిల్లాకు చెందిన రైతులే ఉన్నారు. గ‌ణ‌తంత్ర వేడుక‌ల సంద‌ర్భంగా అసెంబ్లీలో జాతీయ జెండాను ఎగుర‌వేసిన అనంత‌రం స్పీక‌ర్ మీడియాతో మాట్లాడుతూ.. కొత్త సాగు చ‌ట్టాల‌పై రాష్ర్ట ప్ర‌భుత్వం ఓ క‌మిటీని ఏర్పాటు చేసి స‌మీక్షిస్తుంద‌ని తెలిపారు. అయితే రాష్ర్టంలో ఈ చ‌ట్టాల‌ను అమ‌లు చేయ‌మ‌ని స్ప‌ష్టం చేశారు. తాను కూడా రైతునే కాబ‌ట్టి అన్న‌దాత‌ల నిర‌స‌న‌కు త‌ప్ప‌కుండా మ‌ద్ద‌తు తెలియ‌జేస్తాన‌ని స్పీక‌ర్ పేర్కొన్నారు. ఎన్సీపీ చీఫ్ శ‌ర‌ద్ ప‌వార్‌, మ‌హారాష్ర్ట కాంగ్రెస్ ప్రెసిడెంట్ బాల‌సాహెబ్ థోర‌త్ కూడా రైతుల నిర‌స‌న‌కు మ‌ద్ద‌తు ప్ర‌క‌టించారు.