హైదరాబాద్ : నటుడు సంపూర్ణేశ్ బాబు తృటిలో ప్రమాదం నుండి తప్పించుకున్నాడు. 'బజార్ రౌడీ' అనే సినిమా క్లైమాక్స్ షూటింగ్‌లో ఆయన శనివారం పాల్గొన్నారు. ఈ సందర్భంగా ఎత్తు నుంచి బైక్ కిందకు రావలసి ఉంది. సంచుల మధ్య నుంచి కిందకు దూకాలి. ఇక ఆ సన్నివేశం జరుగుతుండగా.. బైక్ పై నుంచి సంపూర్ణేష్ బాబు కిందపడిపోయాడు. తాడుతో బైక్ను దింపుతుండగా.. ఈ ప్రమాదం జరిగినట్లుగా తెలుస్తోంది. వెంటనే అప్రమత్తమైన చిత్రయూనిట్.. ఆయన దగ్గరకు చేరుకున్నారు. ఆయన్ను పైకి లేవదీశారు. ఆయనకు ఎలాంటి గాయాలు కాకపోవడంతో అందరూ ఊపిరి పీల్చుకున్నారు. సంపూర్ణేశ్ బాబు క్షేమంగా ఉన్నారని, త్వరలోనే షూటింగ్‌లో పాల్గొంటారని చిత్రవర్గాలు తెలిపాయి.
