హైదరాబాద్: రాజన్న సిరిసిల్ల జిల్లాలో రోడ్డు పక్కన ఆగి ఉన్న లారీని ఓ బైకు ఢీకొట్టింది. దీంతో ఇద్దరు యువకులు మృతిచెందారు. తంగళ్లపల్లి మండలం అంకుషాపూర్‌ గ్రామానికి చెందిన కోరపు అజిత్‌ కుమార్‌, పెంటల వెంకటేష్‌ ద్విచక్రవాహనంపై సిరిసిల్ల వైపు వెళ్తున్నారు. ఈ క్రమంలో వేములవాడలోని నంది కమాన్‌ వద్ద ఇవాళ తెల్లవారుజామున ఆగి ఉన్న బొగ్గు లారీని ఢీ కొట్టారు. దీంతో వారిద్దరు అక్కడికక్కడే మరణించారు. సమాచారం అందుకున్న పోలీసులు ఘటన స్థలానికి చేరుకున్నారు. మృతదేహాలు సిరిసిల్లా ఏరియా దవాఖానకు తరలించారు.
