హైదరాబాద్ : కరడుగట్టిన నేరస్థుడు బాఖర్‌ అలీ అరెస్టు అయ్యాడు. తెలంగాణ, కర్ణాటక పోలీసుల జాయింట్‌ ఆపరేషన్లో 45 రోజులు శ్రమించి అరెస్టు చేశారు. నిందితుడిపై 118 కేసులు, తెలంగాణ, ఏపీ, కర్ణాటకలో పీడీ యాక్ట్ కేసులు ఉన్నాయని కరీంనగర్ సీపీ కమలాసన్‌రెడ్డి తెలిపారు. బాఖల్‌ అలీ 2015కు ముందే హైదరాబాద్‌లో వందకు పైగా చైన్‌ స్నాచింగ్స్ చేశాడు. కరీంనగర్‌లో చోరీ కేసులో సినీఫక్కీలో దొరికాడు. బీదర్‌కు చెందిన బాఖర్ అలీ అరెస్టు కోసం పోలీసులు వందల సీసీ కెమెరాలను పరిశీలించారు. బీదర్ వెళ్లి అలీని పట్టుకున్నారు. ఇటీవల రాష్ట్రంలో 19 చైన్ స్నాచింగ్‌లు చేసిన ఇరానీ గ్యాంగ్‌ సభ్యుడు అలీ. డిసెంబర్ 8న కృష్ణా జిల్లాలో 5 చైన్ స్నాచింగ్‌లు చేశాడు. బాఖర్ అలీ కోసం హైదరాబాద్‌, ముంబయి, పుణె, షోలాపూర్, బీదర్‌లో పోలీసులు గాలించారు. బాఖర్‌ అలీని పట్టుకున్న పోలీసులను అభినందించిన డీజీపీ మహేందర్ రెడ్డి... రివార్డ్‌లు ప్రకటించారు. కరీంనగర్ సీపీ కమలాసన్‌రెడ్డి రివార్డులను అందించారు.