హైదరాబాద్ : తెలుగు రాష్ట్రాలపైనా 'నివర్' తుఫాన్ ప్రభావం చూపుతోంది. దక్షిణ తెలంగాణకు భారీ వర్ష సూచన చేశారు వాతావరణ అధికారులు. రేపు ఉమ్మడి మహబూబ్ నగర్ జిల్లాలో కుంభవృష్టి కురిసే అవకాశం ఉందన్నారు. నల్గొండ ఖమ్మం, సూర్యాపేటలో భారీ నుంచి అతిభారీ వర్షాలు పడుతాయన్నారు. వికారాబాద్, హైదరాబాద్, రంగారెడ్డి, మేడ్చల్, భువనగిరి జిల్లాల్లో భారీ వర్షాలు పడే అవకాశం ఉందన్నారు.